Bıyldan bastap árbir aǵashqa ózi týraly tolyqqandy aqparat júktelgen QR-kod ilinedi. Osylaısha turǵyndar QR-kod arqyly aǵashtyń qashan egilgeni, tipti qashan sýarylǵany jóninde aqparat alyp otyrady.
− Biz 50-ge jýyq aǵashty tsıfrlandyryp úlgerdik. Aldaǵy ýaqytta ylǵaldyq datchıkterin ornatýdy josparlap otyrmyz. Sol arqyly topyraqtaǵy makro jáne mıkroelementter tapshylyǵyn ýaqytyly kóre alamyz. Osylaısha aǵashtardyń jaǵdaıyn baqylaýda ustaımyz, − deıdi «Astanagenplan» ǴZJI JShS landshaftyq dızaın jáne sáýlet ortalyǵynyń basshysy Gúlnur Imambekova.
Mundaı is-shara ázirge «Jastar» saıabaǵynda jáne «Ǵashyqtar» saıabaǵynda júzege asyp jatyr.
Eske sala ketsek, byltyr kópshiliktiń kóńilinen shyqqan «Taza qala» telejobasy ekinshi maýsymymen qaıta oraldy. Bul joly túsirilim toby monoqalalarǵa basa nazar aýdaryp, elimizdiń túkpir-túkpirindegi ekologııalyq ahýaldy tereńirek taldamaq. Sondaı-aq elimizdiń úsh megapolısi — Astana, Almaty men Shymkent nazarǵa iligedi.
Telejoba aptasyna 2 ret – dúısenbi jáne sársenbi kúnderi saǵat 19:30-da kórermen nazaryna usynylmaq.
Buǵan deıin Astananyń qaı aýdandarynda jańa saıabaqtar ashylatynyn habarlaǵan edik.