Astanada adasyp ketken 8 jasar bala «SOS» dabyl túımesine júgingen

<p>ASTANA. KAZINFORM &ndash; Astana polıtseıleri adasyp ketken 8 jasar balany ata-anasyna tabystady. Bul týraly Polisia.kz saıty jazdy.&nbsp;</p>

Búgin tańda elordalyq polıtsııa qyzmetine zamanaýı tsıfrlyq tehnologııalardy engizý arqyly qoǵamdyq tártipti qorǵaýdy, qamtamasyz etýdegi máselelerdi ońdy ári tıimdi sheshýge, sondaı-aq azamattardyń barlyq ótinishine jedel den qoıýǵa múmkindik berip keledi. Osylaısha, Kóktal saıabaǵynda ornalasqan «SOS» dabyl túımesine jaýap bergen bala óziniń adasyp qalǵanyn habarlaǵan. Onyń qońyraýy birden Jedel basqarý ortalyǵynyń polıtsııa qyzmetkerine qosylǵan. Sóıtip beınekamera arqyly qosylǵan júıe barlyq derekterdi avtomatty túrde jazyp alyp, habarlamaǵa jyldam jaýap berýge múmkindik bolǵan. Qońyraý qabyldanyp, dereý óńdelgen.

Oqıǵa ornyna jedel jiberilgen patrýldik polıtsııa polkiniń avtopatrýl qyzmetkerleri 8 jasar balany úıine jetkizip, ata-anasyna aman-esen tapsyrǵan. Astana qalasynyń tártip saqshylary ata-analarǵa balanyń minez-qulqyn baqylaý qajettigin aıtyp, olarǵa tárbıelik mindetterdi tıisinshe oryndamaǵany úshin tıisti jaýapkershilikte qarastyrylatynyn eskertedi.