Astanada 8 qurylys kompanııasy lıtsenzııasynan aıyryldy

<p>ASTANA. KAZINFORM — 2023 jyly júrgizilgen jospardan tys tekserý aıasynda Astana qalasynyń qalalyq orta sapasy jáne baqylaý basqarmasy 288 buzýshylyqty anyqtap, kemshilikterdi joıýǵa 247 nusqama berdi. </p>

Sapasyz qurylys salǵany jáne qurylys-montajdaý jumysyn júrgizgeni úshin - 46 uıym, al tıisinshe baqylamaǵany úshin - 7 tehnıkalyq qadaǵalaý uıymy jáne 6 aı merzimmen attestatty toqtatý nemese aıyrýmen 22 tehnıkalyq qadaǵalaý sarapshysy jaýapqa tartyldy.

Astana qalasynyń ákimshilik mamandandyrylǵan aýdanaralyq sotynyń qaýlysymen ÁQBtK 312-babynyń 2-bóligi, 313-babynyń 1-bóligi boıynsha sapasyz qurylys-montajdaý jumysyn jasaǵany jáne memlekettik normatıvterdi buza otyryp jobalyq qujattamany qabyldamaǵany úshin segiz kompanııa qurylys lıtsenzııasynan aıyrylǵan. 

1.  «NAK development» JShS;
2. «BazısDoStroı» JShS;
3. «KSMK-AF» JShS;
4. «DBK-Engineering» JShS;
5. «Propılon» JShS;
6. «ANA Astana» JShS;
7. «PPK» jobalaý-qurylys kompanııasy» JShS;
8. «X-clusive Qurylyus Group» JShS.