Astanada 5-shi Dúnıejúzilik kóshpendiler oıyndaryna arnalǵan óńirler sherýi ótti

<p>ASTANA. KAZINFORM &ndash; Astanada Qazaqstannyń 20 óńirinen 200-den astam ókildiń qatysýymen &laquo;Birlik kerýeni&raquo; atty aýqymdy is-shara ótti. Sportshylardan, batyrlardan jáne qoǵam qaıratkerlerinen quralǵan kerýen ár óńirdiń dástúrli stılinde bezendirilip, sherý jasady, dep jazdy elorda ákimdiginiń resmı saıty.&nbsp;</p>

Kerýenniń basty mindeti – óńirlerden elordaǵa oıyndar tarıhynyń ajyramas bóligi bolyp sanalatyn qasıetti sýdy oıyndardyń ashylý saltanatyna jetkizý. «Birlik kerýeni» 5-shi Dúnıejúzilik kóshpendiler oıyndarynyń ashylý saltanatynyń basty kıeli elementi retinde qasıetti sýdy paıdalaný dástúrin jalǵastyrady. 

Foto: Astana ákimdigi

Saǵat 16.00-den bastap EKSPO aýmaǵynda elorda turǵyndary men qonaqtary aldynda dı-djeı óner kórsetip, ınteraktıvti oıyndar ótkizildi. Odan ári saǵat 17.00-de teatrlandyrylǵan baǵdarlamamen jáne 20 óńirden kelgen ókilderdiń sherýi arqyly resmı ashylý ótti.

Foto: Astana ákimdigi

Qatysýshylar men kórermender aldynda Astana ákimi Jeńis Qasymbek pen QR Sport jáne týrızm mınıstri Erbol Myrzabosynov quttyqtaý sóz sóıledi.

Іs-shara barysynda kerýen elimizdiń barlyq óńirinen jınalǵan qasıetti sýdy Astanaǵa jetkizdi. Bul sý Qazaqstan halqynyń ortaq kúshi men birligin bildiredi. Sherýdi shyǵarmashylyq ujymdar men qazaqstandyq estrada juldyzdary jalǵastyrdy. 

Foto: Astana ákimdigi

Іs-shara barysynda «Royal beats» barabanshylar ansambli, «Joshy» toby, sondaı-aq Aro, Qýandyq Rahym, Marjan Arapbaeva, Ǵazızhan Shekerbek, Aqbota Kerimbekova, Ayree, Mıras Júginisov jáne «Báıterek» toby sekildi óner ıeleri kontsert ótkizdi. 

Foto: Astana ákimdigi

Іs-shara EKSPO aýmaǵynda ótti. 

Foto: Astana ákimdigi

Esterińizge sala keteıik, osyǵan deıin elimizdiń ár óńiriniń kıeli sanalatyn bulaq kózinen torsyq toly sý jınalǵan bolatyn. Dál osy sý 5-shi Dúnıejúzilik kóshpendiler oıyndarynyń ashylý saltanatynyń negizgi elementi bolmaq. 

Foto: Astana ákimdigi

Aıta keteıik, 5-shi Dúnıejúzilik kóshpendiler oıyndary Astanada 8-13 qyrkúıek aralyǵynda ótedi. Oǵan álemniń 89 elinen 2500-den astam adam qatysady. 

Foto: Astana ákimdigi