Astanada 5 sáýirden bastap jaıaý júrginshiler kópiri jabylady

<p>ASTANA. KAZINFORM &ndash; Elordalyq Kólik jáne jol-kólik ınfraqurylymyn damytý basqarmasy Elorda PD ákimshilik polıtsııa basqarmasynyń kelisimi boıynsha Qonaev kóshesi arqyly &laquo;Astana Opera&raquo; memlekettik opera jáne balet teatrynyń janyndaǵy jerústi jaıaý júrginshiler ótkeliniń jabylǵany týraly habarlady.&nbsp;</p>

Jaıaý júrginshiler kópirin rekonstrýktsııalaý jónindegi jumystardy júrgizýge baılanysty osy jyldyń 5 sáýirinen bastap bul kópir boıynsha jaıaý júrginshiler úshin qozǵalys tolyǵymen shekteledi. Sondaı-aq demontajdaý jumystary kezeńinde Qonaev kóshesiniń Qabanbaı batyr dańǵylynan Turan dańǵylyna deıingi jol bóligi jabylady. 

Marshrýttardyń qozǵalys syzbalaryn ózgertý týraly «City Transportation Systems» JShS resmı saıtynda (cts.gov.kz), Facebook jáne Instagram áleýmettik jelilerinde tanysýǵa bolady. 

Sonymen qatar bıyl elordada jalpy uzyndyǵy 60 km bolatyn 50-den astam kóshege jóndeý júrgizý josparlanyp otyr:

– Táshenev kóshesi Respýblıka dańǵylynan Amman kóshesine deıin;

– B. Momyshuly dańǵyly Táýelsizdik dańǵylynan Qoshqarbaev dańǵylyna deıin;

– Q. Munaıtpasov kóshesi Táýelsizdik dańǵylynan M. Jumabaev kóshesine deıin;

– Tilendıev dańǵyly Q. Kúmisbekov kóshesinen Aqan seri kóshesine deıin

– Turan dańǵyly Kereı Jánibek handar kóshesinen Juldyz aınalymyna deıin (2023 jyly Turan dańǵyly boıynsha Tulpar kópirinen Saraıshyq kóshesine deıingi ýchaskede jol jumystary júrgizildi);

– Kenesary kóshesi E. Brýsılovskıı kóshesinen A. Sembınov kóshesine deıin;

– Saraıshyq kóshesi Túrkistan kóshesinen Turan dańǵylyna deıin;

– Saryarqa dańǵyly T. Shevchenko kóshesinen Abaı dańǵylyna deıin;

– Qaraótkel kópiri Kólik aıryǵynan Qabanbaı batyr dańǵylyna deıin jáne t. b.

Sondaı-aq qalanyń 200 kóshesinde shuńqyrlardy jóndeý jáne jol belgilerin qoıý jumystaryn bastaý josparǵa engizildi.

Sonymen qatar qalanyń birqatar kóshesinde tabylǵan aqaýlarǵa baılanysty osy ýchaskelerge jaýapty merdiger uıymdar kepildik mindettemelerine sáıkes, jol tósemindegi kemshilikterdi joıatynyn eske salamyz. Bul kósheler: 

1. Eńlik Kebek kóshesi Sultan Beıbarys kóshesinen Bolashaq kóshesine deıin - «REKMA KZ» JShS;

2. Jetigen kóshesi A. Pýshkın kóshesinen J. Dosmuhameduly kóshesine deıin - «Sotıs grýpp» JShS;

3. A. Imanov kóshesi A. ıAnýshkevıch kóshesinen Sh. Ýálıhanov kóshesine deıin - «Aııa Servıs» JShS;

4. Alash tas joly jol ótpesinen Jolymbet kóshesine deıin - «Aııa Servıs» JShS;

5. Jeńis dańǵyly Esenberlın kóshesinen Bógenbaı batyr dańǵylyna deıin - «Sotıs grýpp» JShS;

6. R. Qoshqarbaev dańǵyly Qordaı kóshesinen M. Tólebaev kóshesine deıin - «Sotıs grýpp» JShS;

7. Máńgilik El dańǵyly M1 kópirinen Buqar jyraý kóshesine deıin - «Kompanııa Energodorm JShS;

8. Qabanbaı batyr dańǵyly Saraıshyq kóshesinen Qorǵaljyn tas jolyna deıin - «Sotıs grýpp» JShS.

Mundaı tájirıbe merdigerler sapasyz jumysty qaıta jasaǵan kezde belsendi qoldanylady.

Sonymen qatar 20-dan astam iri nysandy iske asyrý josparlanýda. Olardyń bir bóligi bıyl aıaqtalady. Bir bóligi – qurylysty jalǵastyrý. Sondaı-aq jańa qurylys bastalady. 

Qala ınfraqurylymyn jańartý jospary elorda turǵyndary men qonaqtary úshin jaǵdaıdy jaqsartýǵa múmkindik beredi. Keltirilgen qolaısyzdyqtar úshin keshirim suraımyz jáne jóndeý jumystaryn júrgizýge túsinistikpen qaraýdy suraımyz.