Astanada 5 qazanda jylytý maýsymy bastalady
Energokeshen kúzgi-qysqy kezeńge daıyn. 27 qyrkúıekte qala basshysynyń orynbasary, Shtab tóraǵasy Vasılıı Krylov Astana ákimi Imanǵalı Tasmaǵambetovke turǵyn úı qorynyń qysqa 100% daıyn ekendigin baıandady. Atap aıtqanda, ortalyqtandyrylǵan jylý berý júıesine qosylǵan kóp páterli 2015 úı, 170-ten astam bilim, densaýlyq saqtaý jáne mádenı nysandar. Osy kúnnen bastap, áleýmettik-mádenı turmystyq nysandarǵa birtindep jylý berile bastady. Sonymen qatar, jeke menshikti 3 kásiporyn, sonyń ishinde, osy kúnge deıin daıyndyq tólqujattaryn resimdeý qujattaryn tapsyrmaǵan «Artem» saýda úıine nysandardy qoldanystaǵy normalar men talaptarǵa sáıkes keltirmeıinshe, jylý berilmeıdi. Kásiporyndarǵa tıisti habarlamalar aldyn ala taratyldy.
Investıtsııalyq baǵdarlamaǵa sáıkes, «Astana-Energııa» AQ-nyń JEO-1 №8 qazandyqtyń jumysyn arttyrý jáne jelilik sý júıesin jańǵyrtý jumystary júrgizildi. Sonymen qatar, qoımalarǵa úzdiksiz kómir tasymaldaýdy qamtamasyz etetin 8 temir jol jelisi qalpyna keltirildi.
JEO-2 boıynsha 2012 jyly paıdalanýǵa berilgen sý qyzdyrý qazandyǵynyń zerthanasy tolyq qurastyryldy, №2 jańa kúl úıindisin tógetin orynnyń qurylysy men bas korpýstyń tóbesin qalpyna keltirý jumystary aıaqtalyp keledi.
Tutastaı energokeshen boıynsha otyn qory 320 myń tonnadan astam kómirden jáne 15 myń tonna mazýttan turady. Rezervte 5,4 myń tonna mazýt bar.
«Astana Jylýtranzıt» AQ 1094 metr magıstral jelisine jáne 1300 metr taratýshy jelige kúrdeli jóndeý jumystaryn júrgizdi. 12,3 km jylý jelisi aǵymdyq jóndeýden ótti. 4 317 m2 qubyrdy jylýmen oqshaýlaý qalpyna keltirildi, bul jylý jelilerindegi shyǵyndy azaıtýǵa múmkindik beredi.
Investıtsııalyq baǵdarlama aıasynda kásiporyn jylýdy esepteý quraldaryn satyp alý jáne ornatý sharalaryn oryndaýda. Birinshi kezeńde 406 turǵyn úı keshenine jylýdy esepteý quraldarymen qamtyldy. Atap aıtqanda, Almaty aýdanynda - 226 úı, Saryarqa aýdanynda - 180 úı.
Ústimizdegi jyly ázirlengen is-sharalar josparyna sáıkes, 18 elektr qýatymen qamtý nysany, sondaı-aq, uzyndyǵy 26,4 km 10 kV kabel jelisi «Astana - Aımaqtyq Elektrjelilik Kompanııasy» AQ balansyna alyndy.
Ótken jylmen salystyrǵanda elektr jelilerindegi apattylyq kórsetkishi 2% tómendedi. Áleýmettik mańyzdy nysandarda jáne kóp páterli turǵyn úı qorynda apattyń oryn alýynyń aldyn alý úshin 0,4 jáne 10 kV qalalyq jáne kvartalishilik elektr jelileri aýystyryldy. Jylytý maýsymynda boljanyp otyrǵan elektr qýatynyń eń joǵary júktemesi - 609 MVt.