Astanada 460 bala óz etnosynyń tilin oqyp júr

ASTANA. QazAqparat – Astana qalasy tilderdi damytý jáne arhıv isi basqarmasynyń basshysy Sáken Esirkeptiń aıtýynsha, elordada 10 etnolıngvıstıkalyq mektep jumys isteıdi, dep habarlaıdy QazAqparat tilshisi.

«Óz ana tilderin, salt-dástúrlerin oqytýǵa arnalǵan 10 etnolıngvıstıkalyq mektep (nemis, káris, tatar-bashqurt, polıak, ýkraın, sheshen-ıngýsh, ázirbaıjan, armıan, kazak, ózbek) jumysyn jalǵastyrýda. Onda 460 bala oqıdy», - dedi basqarma basshysy.

Sáken Esirkeptiń aıtýynsha, byltyr qazaq tili kýrsynda 1500 tyńdaýshy oqyǵan. Onyń ishinde 10 memlekettik mekeme qyzmetkeri, 187 medıtsınalyq maman, 85 bilim berý mamany, 110 etnomádenı birlestik ókili, 10 zań qorǵaý mamany, Astana qalasy ákimdiginiń vedomstvolyq baǵynysty mekemelerdiń 402 qyzmetkeri, 696 eresek turǵyn memlekettik til oqytý kýrsyna qatysqan.

«Kýrs aıaqtalǵannan keıin tyńdaýshylar QAZTEST júıesi boıynsha test tapsyryp, sertıfıkat alǵan.

«1492 tyńdaýshynyń kommýnıkatıvtik tildik quzirettilik deńgeıin rastaıtyn sertıfıkat tapsyryldy. Sonymen qatar 8 tyńdaýshyǵa anyqtama berildi», - dedi ol.