Astanada 43 úı-kúısiz adam týystaryn tapty

ASTANA. QazAqparat - Bar bolǵany tórt kún ishinde «Kezbe» jedel aldyn alý sharasy aıasynda «Turǵylyqty meken jaıy joq adamdar úshin áleýmettik beıimdeý ortalyǵy» KMM -ne 205 úı-kúıi joq adam jetkizildi, dep habarlaıdy Astana ákimdiginiń medıa ortalyǵy.

«Kezbe» jedel aldyn alý sharasyn 27 shilde men 7 tamyz aralyǵynda Astana qalasynyń ІІD-men birlesip ótkizýde.

Barlyq panasyz júrgen adamdar týraly jeke derekterdi anyqtaý úshin málimetter qorynda tekseriledi. Árqaısysynyń saýsaq izderi túsirilip, tizimge alynady. 

 «Kezbe» sharasy kezinde jetkizilgen jandarmen ortalyq psıhologtary men ýchastkelik ınspektorlar profılaktıkalyq áńgimelesý júrgizedi. Ustalǵan 205 adamnyń 43-niń týystary tabylǵan jáne olar turǵyn jerlerine qaıtyp oraldy», - dep habarlady Turǵylyqty meken jaıy joq adamdar úshin áleýmettik beıimdeý ortalyǵy» KMM dırektory Dınara Shapına.

42 adam beıimdeý ortalyǵynyń kúndizgi bólimshesine qabyldandy. Onda olar erikti túrde tura alady. Ortalyq mamandary mundaı adamdarǵa áleýmettik, medıtsınalyq, quqyqtyq kómek kórsetedi. Sondaı-aq jumysqa ornalastyrady.