Astanada 374 myń tonna kómir, 4 myń tonna mazýt qory jınaldy

ASTANA. 5 qazan. QazAqparat - Bıylǵy 1 qazandaǵy jaǵdaıǵa boıynsha Astanadaǵy kómir qory 374 543 tonnany, mazýt qory 4 010 tonnany qurady.

Bul týraly búgin Astana qalalyq ákimdiginde kúzgi-qysqy jylý berý maýsymyna Astananyń daıyndyǵy máselesi boıynsha ótken jınalysta málim etildi.

«Astana-Energııa» AQ jalpy jylý óndirý uzaqtyǵy 480 Gkal/saǵ.-tyq 4 qazandyǵy bar JEO-2 sý jylytý qazandyǵyn paıdalanýǵa engizý burynǵy qýaty 1896 Gkal/saǵ. esebinde bolǵan qalanyń jylý júktemesindegi jalpy qýattylyǵyn 1 999,14 Gkal/saǵ.-qa deıin jetkizdi. Sondaı-aq, JEO-1 stansalaryndaǵy qazan agregattarynda keńeıtilgen aǵymdyq jóndeý, qosymsha quurylǵylarǵa qaıta jańǵyrtý jáne kúrdeli jóndeý jumystary júrgizilgen.

Ákimdiktiń taratqan málimetterine qaraǵanda, burynǵy aýdandyq qazandyqtar, atap aıtsaq, «Nysana» MQK, Jeleznodorojnyı, Promyshlennyı, Mıchýrın, Prıgorodnyı jáne Dýlatov kóshesindegi qazandyqtar «Astana-Energııa» balansyna alynǵan. Olardyń balansqa berilýi atalmysh aýdandardaǵy jylý energııasynyń tarıfin tómendetýge múmkindik týǵyzady.