Astanada 3 myń adam bir mezgilde Qazaqstan Respýblıkasynyń Ánuranyn oryndaıdy
10:58, 04 Qazan 2012
ASTANA. 4 qazan. QazAqparat - 2012 jyldyń 5 qazany kúni Astanadaǵy Qazaq gýmanıtarlyq zań ýnıversıtetiniń aldyndaǵy alańda «Men Qazaqstan azamatymyn!» atty patrıottyq aktsııa ótedi.
Onyń barysynda 3 myń adam jandy daýyspen bir mezgilde Qazaqstan Respýblıkasynyń Ánuranyn oryndaıtyn bolady.
Aktsııanyń maqsaty - Qazaqstan Respýblıkasynyń memlekettik nyshandaryna qurmet bildirý jáne jastar arasynda patrıottyq rýhty kóterý.
Іs-shara barysynda aktsııa qatysýshylary aldynda QGZÝ-niń prezıdenti, zań ǵylymdarynyń doktory, professor Maqsut Nárikbaev sóz sóıleıtin bolady, sondaı-aq respýblıkalyq gvardııanyń qurmetti qaraýylynyń plats-kontserti ótedi.