Astanada 26 myń búldirshin balabaqsha kezeginde tur

 ASTANA. QazAqparat - Sońǵy 7 jylda elordada mektepke deıingi jastaǵy balalardyń sany eki eseden de artty (2011 jyly - 74 myń bolsa, 2017 jyldyń aıaǵynda - 164 myń bala), dep habarlaıdy Elorda ınfo.

Astana qalasy ákimdiginiń málimetinshe, 3 jastan 6 jasqa deıingi 47 myńnan astam búldirshin mektepke deıingi bilimmen qamtylǵan bolsa, qazirgi tańda  26 myń bala balabaqsha kezeginde tur.

Balalardy balabaqshamen qamtý dınamıkasy jaqsy júrip jatyr jáne ol baqylaýda. Máselen,  2017 jyldyń basynda qamtý 70,6% bolsa, búgingi tańda ol 78% quraıdy.

Mektepke deıingi bilimmen qamtýdyń negizgi bóligi memlekettik tapsyrys boıynsha 79 balabaqshaǵa (2,7 mlrd teńgege) ornalastyrý arqyly qol jetkizildi jáne bul qosymsha 9000 jańa orynǵa ósti. Osylaısha, jekemenshik mektepke deıingi uıymdardyń jalpy sany memlekettik balabaqsha sanynan eki ese kóbeıgen (96 memlekettik jáne 188 jeke).