Astanada 2,2 myńnan astam jol jumysshysy qar tazalaýǵa shyqty

<p>ASTANA. KAZINFORM &ndash; Túnde kommýnaldyq qyzmet mamandary elordadan 8 myń tekshe metrden astam qar shyǵardy. Bul týraly Astana ákimdiginiń resmı saıty jazdy.&nbsp;</p>

Elordanyń kommýnaldyq qyzmeti aýa raıynyń qolaısyzdyǵyna, boran men aıazǵa qaramastan, táýlik boıy kúsheıtilgen rejımde jumysyn jalǵastyryp jatyr. 

17 aqpan kúni tańerteń qar tazalaý jumystaryna 2,2 myńnan astam jol jumysshysy men 1,2 myńnan astam arnaıy tehnıka jumyldyryldy.

Qala turǵyndarynyń qaýipsizdigi úshin joldarǵa, trotýarlar men kóshelerge qum-tuz qospasy sebiledi.

16 aqpannan 17 aqpanǵa qaraǵan túnde qaladan 8 myń tekshe metrden astam qar shyǵaryldy, polıgondarǵa 600-den astam reıs jasaldy.

Qys basynan beri elordadan 344,5 myń reıs 4,7 mln tekshe metrge jýyq qar shyǵaryldy.