Astanada 22-25 maýsym kúnderi Dúnıejúzi qazaqtarynyń V quryltaıy ótedi
14:37, 21 Maýsym 2017
ASTANA. QazAqparat - Astanada 2017 jyldyń 22-25 maýsym aralyǵynda Dúnıejúzi qazaqtarynyń V quryltaıy ótedi.
Quryltaı barysynda sheteldegi qazaq mádenı ortalyqtaryn qarjylandyrý, basqa da kómek kórsetý, sheteldik jastardy Qazaqstanǵa bilim alýǵa shaqyrý syndy máseleler talqylanatyn bolady. Uıymdastyrýshylardyń aıtýynsha, bıylǵy quryltaıǵa shaqyrylǵandardyń basym kópshiligi - ártúrli salada jetistikterge jetip júrgen sheteldik qazaq jastary.
Quryltaıǵa 40-tan astam memleketten 350 adam jáne ártúrli halyqaralyq uıymdardyń ókilderi qatysady dep kútilýde.
Dúnıejúzi qazaqtarynyń I quryltaıy 1992 jyly Almatyda, II quryltaıy 2002 jyly Túrkistanda ótkizilgen bolatyn. Al odan keıingi quryltaılar 2005 jáne 2011 jyldary elordamyz Astanada ótti.