Astanada 2017 jyly apatty jáne úsh aýysymdaǵy mektepter bolmaıdy - BǴM

ASTANA. QazAqparat - 2017 jylǵa deıin elordada apatty jáne úsh aýysymdaǵy mektepter máselesi tolyq sheshiledi. Búgin QR Premer-Mınıstriniń orynbasary Berdibek Saparbaevtyń qatysýymen ótken «Áleýmettik áleýet - Astana aıbary» atty keńes barysynda Bilim jáne ǵylym mınıstri Aslan Sárinjipov osylaı málimdedi.

Bilim mınıstriniń aıtýynsha, Astana qalasy men mınıstrlik arasynda jasalǵan ekijaqty memorandým bilim júıesin damytý boıynsha 2015-2017 jyldary atqarylatyn sharalardy qamtıdy. Bul rette memorandýmǵa sáıkes, mınıstrlik bas qaladaǵy bilim salasyna qatysty máselelerdi ýaqytyly qarjylandyrýdy qamtamasyz etetin bolady.

«Atap aıtqanda, mektepke deıingi bilimge bólinetin memlekettik tapsyrysty júzege asyrýǵa aldaǵy úsh jylda 15 mlrd teńgege jýyq qarajat bólinedi. Sonymen qatar osy jyldar ishinde 8 mekteptiń qurylysyna 7,7 mlrd teńge, 11 balabaqsha salýǵa shamamen 3 mlrd teńge qarastyrylatyn bolady. Sóıtip, 2017 jyly Astanada úsh aýysymdy jáne apattyq mektepter degen bolmaıdy», - dedi A.Sárinjipov.

Budan bólek, memorandým aıasynda dýaldy bilim berý elementterin engizgen kolledjder úlesin 70 paıyzǵa, sondaı-aq ondaı oqý oryndaryn bitirýshilerdi jumyspen qamtý kórsetkishin 80 paıyzǵa jetkizý josparlanyp otyr.