Astanada 2014 jyly «Qoljetimdi baspana - 2020» baǵdarlamasy aıasynda 700-ge jýyq páter salynady

ASTANA. 29 qarasha. QazAqparat - «Qoljetimdi baspana - 2020» baǵdarlamasyn júzege asyrý aıasynda jalpy aýdany 34,9 myń sharshy metrdi quraıtyn 670 páterlik úsh turǵyn úı kesheni salynady. Bul týraly astana.kz saıty habarlady.

2014 jyly naýryzda Saýran jáne №24 kóshelerdiń qıylysynda jalpy aýdany 10,9 sharshy metrlik 242 páterlik turǵyn úı kesheni paıdalanýǵa beriledi. 2014 jyly maýsymda S.Seıfýllın jáne Beısekova kósheleriniń qıylysyndaǵy jalpy aýdany 9,7 myń sharshy metr kólemdegi 198 páterlik turǵyn úı tapsyrylady. Aldaǵy jyldyń shildesinde Jumabaev dańǵyly men Qordaı kóshesiniń arasyndaǵy Aınakól kóshesinde jalpy aýdany 14,3 myń sharshy metrlik 230 páterlik turǵyn úı kesheniniń qurylysy aıaqtalady. Bıyl qarasha aıynda Brýsılovskıı, Imanov jáne Jubanov kósheleriniń qıylysyndaǵy jalpy aýdany 11,9 myń sharshy metr 272 páterlik turǵyn úı keshenin salýǵa konkýrs jarııalandy.