Astanada 20 jastaǵy qyzdyń máıiti tabyldy

<p>ASTANA. KAZINFORM &ndash; Elorda kósheleriniń birinen boıjetkenniń múrdesi tabyldy. Bul jaıtty qalalyq polıtsııa departamentiniń baspasóz qyzmeti rastap otyr.</p>

«30 qyrkúıekte «102» arnasyna B.Maılın kóshesinde qyzdyń máıiti tabylǵany týraly habarlama kelip tústi. Polıtsııa qyzmetkerleri 20 jastaǵy marqumnyń jeke basyn anyqtady. Oqıǵanyń mán-jaıy anyqtalyp jatyr», - delingen habarlamada.

Іzin sýytpaı atalǵan fakti boıynsha qylmystyq is qozǵaldy.

Aıta ketsek, qyrkúıekte elordada jasóspirimniń múrdesi tabylǵan edi. Jelide taraǵan aqparatqa súıensek, 14 jastaǵy jasóspirim – qaladaǵy №16 mekteptiń oqýshysy.

Eske sala keteıik, qyrkúıek aıynda elimizdiń birneshe óńirinde sýıtsıd jaǵdaıy tirkeldi. Atap aıtsaq, 10 qyrkúıekte Aqmola oblysynda órt sóndirýshi sýıtsıd jasady. 

16 qyrkúıekte Almatyda kópqabatty úıden qulaǵan eki jasóspirim kóz jumdy. 

Odan bólek, 22 qyrkúıek kúni Almatyda Ulttyq qaýipsizdik komıtetine qarasty shekara akademııasynyń kýrsanty kóz jumdy. 

Belgili bolǵandaı, túngi ýaqytta 19 jastaǵy jigit Almatydaǵy Dostyq dańǵylyndaǵy kópqabatty úıden sekirip ketken. Bul fakti boıynsha Medeý aýdandyq polıtsııa bólimi qylmystyq is qozǵady.

Taǵy bir qaıǵyly jaǵdaı 23 qyrkúıekte Almaty qalasynda boldy. Jas jigit kópqabatty úıden sekirip ketken.