Astanada 20-dan astam ýchaskeni sý basý qaýpi bar

ASTANA. QazAqparat – Elordada kóktemgi sý tasqyny qaýpiniń aldyn alý sharalary qabyldandy. Bul týraly Astana qalasy Tótenshe jaǵdaılar departamenti bastyǵynyń orynbasary Dastan Aldabekov málim etti, dep habarlaıdy QazAqparat tilshisi.

«Kóktemgi sý tasqyny kezeńine daıyndyq jumysy qyzý júrip jatyr. Elorda boıynsha 21 sý tasqyny qaýpi bar ýchaskelerde Tótenshe jaǵdaılar departamenti jáne qalalyq kommýnaldyq qyzmet jumyldyryldy. Sý tasqyny jaǵdaıyna jeke quramnyń 145 mamany, 76 tehnıka, 46 motopompa jáne 2 júzý quraly daıyn. Sonymen qatar, sý tasqyny qaýpiniń aldyn alý jáne boldyrmaý maqsatynda bizdiń departament keshendi is-sharalar josparyn ázirledi», - dedi Dastan Aldabekov Astana qalasy kommýnıkatsııalar qyzmeti alańynda ótken baspasóz máslıhatynda.

Onyń aıtýynsha, kesheden beri azamattyq qorǵanystyń memlekettik júıesiniń basqarý organdaryn, kúshteri men quraldaryn tótenshe jaǵdaıǵa daıyndaý boıynsha «Kóktem-2023» respýblıkalyq komandalyq-shtabtyq oqý-jattyǵýy ótip jatyr.

Buǵan deıin Astana sý qoımasynda jańartý jumystarynyń qolǵa alynǵandyǵy týraly habarlaǵan edik.