Astanada 2 jasar qyz terezeden qulap, aman qaldy

ASTANA. QazAqparat - 6 mamyr kúni Astanada Baıtursynov 37 kóshesinde 2021 jyly týǵan qyz bala úlkenderdiń qaraýynsyz qalyp, 7 qabatty turǵyn úıdiń 3-qabatynan qulap ketti, dep habarlaıdy QazAqparat QR Tótenshe jaǵdaılar mınıstrliginiń baspasóz qyzmetine silteme jasap.

Baspasóz qyzmetiniń málimetterine qaraǵanda, anasy úlken balasymen tis dárigerinde bolǵan kezde úıde otyrǵan ákesi balanyń terezeni ashyp, syrtqa qalaı shyǵyp ketkenin baıqamaı qalǵan.

Qýanyshqa oraı kórshileri syrtta qulaıyn dep turǵan balany ýaqtyly kórip qalyp, kórpe jaıyp turyp balany qaǵyp alady. Qyz bala aýrýhanaǵa jatqyzyldy, jaǵdaıy ortasha dárejede.