Astanada 2 jasar bala 9 qabattyń terezesinen qulap, kóz jumǵan

ASTANA. QazAqparat – Astanada 2 jasar bala 9 qabattyń terezesinen qulap, kóz jumǵan, dep habarlaıdy QazAqparat tilshisi.

Qalalyq polıtsııa departamentiniń habarlaýynsha, eki jastaǵy ul bala oqıǵa ornynda qaıtys bolǵan.

Qaıǵyly jaıt kezinde balanyń anasy úıde bolǵan. Ol kishkene balaǵa aınalyp ketkende eki jastaǵy ul terezeden qulaǵan.

Astana qalasynyń polıtsııa departamenti balanyń terezeden qulaýyn boldyrmaý úshin mynandaı saqtyq sharalaryn qabyldaý qajettigin aıtyp otyr:

• balaly úıden terezeni ashyq ustamaý;

• shybyn tutatyn torǵa balany qulaýdan saqtaıtyn qorǵanysh dep qaramaý;

• bala terezeni óz betimen asha almaıtyn arnaıy qurylǵylar ornatý;

• kez kelgen jıhazdy terezege jaqyn qoımaý.