Astanada 2,5 myńnan astam sarbaz ben ofıtserler áskerı paradqa daıyndalýda

ASTANA. QazAqparat - 7 mamyr qarsańynda elordadaǵy «Qazaq eli» alańynda ótetin áskerı paradqa 2,5 myńnan astam sarbaz ben ofıtserler daıyndalýda.

Sondaı-aq 300-ge jýyq tehnıka birlikteri men qarý-jaraq tartylady, dep habarlady Qorǵanys mınıstrliginiń baspasóz qyzmetinen.

Lagerlik jıyndarǵa áskerdiń barlyq túrleri, sonymen qatar ІІM, TJM jáne UQK Shekara qyzmetiniń áskerı qyzmetshileri qatysady.

«Bul paradtyń basty ereksheligi - onyń tehnologııalyq sıpatynda. Negizgi basymdyq qazaqstandyq Armııanyń jańa jáne zamanaýı úlgilerine beriledi», - dep atap ótti QR QK Qurlyq áskerleri bas qolbasshysynyń tárbıe jáne áleýmettik-quqyqtyq jumystar jónindegi orynbasary Jumabek Hasenov.

Lager jıynynyń shtab bastyǵy polkovnık Qasymseıit Ómirbekov paradqa qatysý úshin elimizdiń barlyq áskerı bólimderi men garnızondaryndaǵy áskerı qyzmetshilerdiń iriktelgenin atap ótti.