Astanada 2,5 myń bala etnofleshmobqa qatysty

ASTANA. QazAqparat - Qazaqstan halqynyń birligi kúni men Halyqaralyq bı kúni qarsańynda Astanada ulttyq kıimder fleshmoby ótti, dep habarlaıdy QazAqparat qalanyń Bilim basqarmasyna silteme jasap.

«Astana qalasynyń barlyq bilim berý uıymdarynda burynnan qalyptasqan dástúr boıynsha búgin, saǵat 12:00-de «Bul – bizdiń Qazaqstan» etnofleshmoby ótti. Oǵan 2500-den astam bala qatysty.
Ásem shara Mahambet Ótemisuly atyndaǵy Oqýshylar saraıynyń aldyndaǵy horeografııalyq ujymdar men etnolıngvıstıkalyq ortalyqtar qatysqan merekelik baǵdarlamamen aıaqtaldy», - delingen málimette.
Aıtylyp ótkendeı, etnofleshmob áleýmettik jelilerde #álem_halyqtarynyń_bıleri, #mekteptiń_ózin-ózi_basqarýy, #ózin-ózi_basqarý, #BulBizdińQazaqstan heshtegterimen jarııalanatyn bolady.