Astanada 19 úıge kúrdeli jóndeý júrgiziledi
2014 jyly Astanada 2011-2020 jyldarǵa arnalǵan Qazaqstan Respýblıkasynyń turǵyn úı-kommýnaldyq sharýashylyǵyn jańǵyrtý baǵdarlamasyn júzege asyrý aıasynda 19 kóppáterli turǵyn úıdiń ortaq múlkine kúrdeli jóndeý júrgizýge qarajat bólindi. Qazirgi ýaqytta barlyq kóppáterli turǵyn úılerde jóndeý jumystary bastalyp ketti. Jóndeý jumystary 2014 jyldyń 31 tamyzyna deıin aıaqtalady dep kútilýde.
Qazirgi tańda nysandardyń shatyr, jertóle, kire beris, syrtqy qasbetterine jóndeý jumystary atqarylýda. Barlyq úılerge avtomattandyrylǵan jylý núktesin ornatý qarastyrylǵan. Qaıtarylatyn qarjyǵa Prıgorodnyı turǵyn úı alabynda ornalasqan 2 turǵyn úıdiń shatyryna jóndeý jumystary júrgizilýde. Shatyrǵa jóndeý júrgizý merzimi 2 aı ýaqytty alady.
"Turǵyn úı ınspektsısy basqarmasy «Órken qala» JShS-men birlese baǵdarlamany júzege asyrý aıasynda kondomınımým nysandaryna jóndeý jumystaryn júrgizý qajettiligi týraly turǵyndar men basqarma organdaryna túsindirý jumystaryn belsendi ótkizýde" dep habarlady basqarma qyzmetkerleri.
Esterińizge sala keteıik, 2011-2020 jyldarǵa arnalǵan QR Turǵyn úı-kommýnaldyq sharýashylyǵyn jańǵyrtý baǵdarlamasy kommýnaldy ınfraqurylymdy jańǵyrtýǵa sharalar qabyldaý men jasaý, túrǵyn úı qatynastarynyń tıimdi úlgisin qurý, turǵyndarǵa kórsetiletin turǵyn úı kommýnaldyq qyzmetteriniń sapasyn arttyrý, sonymen birge qarjylandyrýdyń arnaıy tetikterin qurý arqyly kondomınımým nysandaryn termojańǵyrtýdy qosqanda ortaq múlikke jóndeý júrgizýdi qamtamasyz etedi.