Astanada 16 myńnan astam bala qyzylshaǵa qarsy ekpe aldy

<p>Astanada 6 qarashadan bastap qyzylshaǵa qarsy jappaı ımmýndaý júrip jatyr. 6 qarasha kúni 6 aıdan bastap, 10 aı 29 kúnge deıingi sábılerge jappaı qosymsha vaktsına egildi. Jeltoqsan aıynan bastap olarǵa 2-4 jas aralyǵyndaǵy balalar qosyldy, dep habarlaıdy <a href="https://kaz.inform.kz/" target="_blank" rel="noopener">Kazinform</a> ákimdikke silteme jasap.&nbsp;</p>

Vaktsınany tirkelgen jeri boıynsha emhanalarda tegin alýǵa bolady. Astananyń bas memlekettik sanıtar dárigeri Sarhat Beısenova qalanyń kommýnıkatsııalar qyzmetinde ótken brıfıngte vaktsınatsııa týraly aıtyp berdi. 

Elordada 6 jeltoqsan kúni barlyǵy 16 447 adam vaktsınatsııalandy.

Jappaı vaktsınatsııa qaladaǵy epıdemıologııalyq jaǵdaıdy turaqtandyrýǵa múmkindik beredi, dep atap ótti sanıtar dáriger.

«Bizdiń búgingi basty mindetimiz — qyzylshadan bolatyn ólim men asqynýdyń aldyn alý. Vaktsınatsııa ınfektsııa oshaqtarynda da júrgiziledi, onda 1733 baılanysqan adam ekpe aldy, sondaı-aq qyzylshaǵa qarsy ekpe almaǵan 18 jasqa deıingi adamdar anyqtaldy, búgingi kúni jyl basynan beri 14 374 adam anyqtaldy, onyń ishinde 12 746 (88%) ekpe aldy», — deıdi Sarhat Beısenova.

Sanıtar aýrýdyń alǵashqy belgileri baıqalǵan boıda dereý dáriger kómegine júginý kerektigin eskertedi.

Syrqat belgileri: temperatýranyń 38-40°C deıin kóterilýi, bas aýrýy, álsizdik, tábet tómendeıdi, konıýnktıvıt, rınıt, jaryqqa qaraı almaý, qurǵaq, aýyr jótel, daýystyń qarlyǵýy, qyzylsha enantemasy — tańdaıdaǵy jumsaq jáne qatty úlken qyzyl daqtar, aýrýdyń shamamen 3-4 kúninen keıin denege túsetin bórtpe.

«Qyzylshaǵa qarsy vaktsınatsııa — qyzylshaınfektsııasyn, sondaı-aq onyń asqynýyn boldyrmaıtyn jalǵyz tıimdi qural. Osyǵan baılanysty ata-analardy óz balalarynyń densaýlyǵyna jaýapkershilikpen qaraýǵa, vaktsınany ýaqytynda alýǵa, sondaı-aq qyzylshaǵa qarsy qosymsha jappaı ımmýndaý aıasynda balany vaktsınatsııalaýǵa shaqyramyn», — deıdi elordanyń bas sanıtary.