Astanada 15 eldiń tanymal ánshileri óner kórsetti

ASTANA. QazAqparat - Astanada Qazaqstannyń belgili ánshileri men álemniń tanymal oryndaýshylary bir sahnada óner kórsetti. «Astana daýysy» halyqaralyq festıvali 15 eldiń úzdik ánshileriniń basyn qosty. Olardyń arasynda Qaırat Nurtas, Grıgorıı Leps, Bıanka, Vıllı Ýılıams, Eva Sımons bar, dep habarlaıdy QazAqparat «Habar 24» telearnasyna silteme jasap.

Festıvalǵa qatysqan oryndaýshylarǵa mýzyka ónerine qosqan úlesteri úshin estelik músinder tartý etildi.

Kontsert barysynda radıostansalar men mýzykalyq kanaldardyń úzdik reıtıngterin bastap turǵan ánder shyrqaldy.

«Meniń oıymsha jaqyn aralyqta bul festıvaldiń abyroıy asqaqtap, dárejesi kóterile túsedi. Jeke óz basym jyl saıyn Astanadaǵy kontsertke kelýge tyrysamyn. Ózimniń jeke kontsertimdi bersem be degen oıym bar. Sebebi Qazaqstan maǵan qatty unaıdy», - deıdi Ýkraına ánshisi Svetlana Loboda.