Astanada 10 myń aqyly avtoturaq ashylady

ASTANA. QazAqparat – Memlekettik-jekemenshik áriptestik sharty aıasynda elordada 10 myń oryndyq aqyly avtoturaq ashylady. Búginde onyń 7 jarym myńy paıdalanýǵa berildi. Bul týraly Astana qalalyq kólik jáne jol-kólik ınfraqurylymyn damytý basqarmasy basshysynyń orynbasary Erjan Dıhanbaev málim etti, dep habarlaıdy QazAqparat tilshisi.

«Memlekettik-jekemenshik áriptestik sharty aıasynda qalada 10 myń aqyly turaq oryndaryn iske qosý josparlanyp otyr. Búginde 7 500 avtoturaq orny iske qosyldy. Jobanyń maqsaty – jol boıynda kólikpen aıaldaý erejeleriniń buzylýyn azaıtý, aqyly turaq aımaqtarynda kólik quraldarynyń barlyq túrleriniń qozǵalys jyldamdyǵyn jáne turaq oryndarynyń aınalymyn arttyrý. Sonymen qatar, avtoturaqqa qoımaıtyn kólikterdiń sanyn qysqartý jáne turǵyndardy qoǵamdyq kólikti paıdalanýǵa yntalandyrý», - dedi Erjan Dıhanbaev qalalyq máslıhattyń qoǵamdyq keńes otyrysynda.

Aıta ketsek, elordada atalǵan joba 2018 jyldan bastap «Astana qalasynyń aqyly turaq keńistigin qurý, paıdalaný jáne basqarý» memlekettik-jekemenshik áriptestik sharty aıasynda iske asyrylyp keledi. Oǵan «Astana turaq keńistigi» jaýapkershiligi shekteýli seriktestigi jaýapty.