Astanada 1-synypqa baratyn balalar úshin daıarlyq kýrsy ótedi

ASTANA. QazAqparat – Astana qalasynyń memlekettik mektepteri bıyl 1-synypqa baratyn búldirshinderi úshin 1-25 tamyz aralyǵynda «Balaqaılar mektebi» qysqamerzimdi daıarlyq kýrsyn ótkizedi. QazAqparat bul týraly Bilim basqarmasyna silteme jasap habarlaıdy.

«Astana qalasynyń Ádistemelik ortalyǵy ulttyq qundylyqtarǵa negizdelgen «Balaqaılar mektebi» mektepaldy daıarlyqtyń qysqa merzimdi kýrstaryn uıymdastyrý boıynsha ádistemelik usynymdar» men oqý josparyn ázirlep, bilim berý uıymdaryna ádistemelik qoldaý kórsetti. Ortalyq ádiskerleri «Balaqaılar mektebi» pedagogterine kýrstardy júrgizý ádistemesi boıynsha túsindirý jumystaryn júrgizetin bolady», - delingen habarlamada.

Eske salaıyq, balany 1-synypqa qabyldaý týraly ótinish 1 tamyzǵa deıin qabyldanady. 15 maýsymdaǵy jaǵdaı boıynsha el óńirlerinde 250 myń ata-anadan ótinish qabyldanǵan.