Astanada 1 mamyr merekesine oraı birqatar merekelik sharalar uıymdastyrylady
Qazaqstan halqynyń birligi kúni aıasynda elordada «Báıterek» monýmenti, «Stýdenttik», «Ǵashyqtar» saıabaqtarynda, qalalyq ákimdik aldyndaǵy alańda, Esil ózeniniń jaǵalaýynda jáne «Jastar» saraıynyń aldynda halyqtyq serýender uıymdastyrylady. Aımaqtyq etnomádenı birlestikter de ózderiniń shyǵarmashylyq ónerlerin ortaǵa salady. Qazaqstan halqynyń birligi kúnine arnalǵan basty merekelik sharalar qatarynan úsh alańda (qalalyq ákimdiktiń aldyndaǵy alańda, Ǵashyqtar saıabaǵynda jáne «Báıterek» monýmentiniń janynda) LED-monıtorlar arqyly kórsetiledi. Sonymen qatar qala turǵyndary úshin Q.Qýanyshbaev atyndaǵy qazaq mýzykalyq drama teatrynda saǵat 18:30-da jáne M.Gorkıı atyndaǵy orys drama teatrynda saǵat 18:00-de «Jubaılar jumbaǵy» men «Hanýma» atty sahnalyq qoıylymdar kórsetiledi. Sáýirdiń 30-nan bastap mamyrdyń 4-ine deıin S.Seıfýllın atyndaǵy murajaıda «Bereke basy - dostyq» atty kórmesi, al 2015 jyldyń 15 mamyrynda saǵat 19:00-de Kongress-hollda Astana qalasy ákimdiginiń fılarmonııasy «Shalqyma» bı ansambliniń «Dostyq poezııasy» atty kontsertin uıymdastyrady. 1 mamyr kúni kontserttik baǵdarlama saǵat 11:00-23:00 aralyǵynda ótip, otshashýmen aıaqtalady. Atap aıtqanda, túngi otshashý Esil ózeniniń jaǵalaýynda, «Han Shatyr» SOO aýmaǵynda, «Arman» dúkeniniń mańyndaǵy «Jas batyr» stadıonynda «Music hall» meıramhanasynyń janynda jáne Abylaı han dańǵyly men Pýshkın kóshesiniń qıylysyndaǵy gúlzarda atylady.