Astana zırattarynda qulpytas bıiktigi 1 metrden aspaýy kerek

ASTANA. QazAqparat – Elordalyq din isteri basqarmasy jerleý rásimi men zırat kútimi boıynsha jańa erejeler bekitedi, dep habarlaıdy QazAqparat.

«Qazirgi ýaqytta jerleý boıynsha arnaıy erejeler ázirlep jatyrmyz. Onda qulpytas bıiktigi bir metrden aspaýy kerek. Zırat qorshalǵan bolýy kerek, kútim jasalýy kerek. Jer kodeksine sáıkes, jerleý úshin 2h3 sharshy metr jer tegin beriledi, biraq kóp adam basqa týystary úshin eki oryn suraıdy. Sol úshin jerleý týraly erejege tolyqtyrýlar engizemiz», - dedi din isteri basqarmasynyń basshysy Nurdáýlet Álmuhanov elordalyq máslıhat otyrysynda.

Sonymen birge, spıkerdiń aıtýynsha, qalada 28 zırat bar, onyń ishinde 16-synyń ǵana qujattary rettelgen.

Sanıtarlyq normaǵa sáıkes, zırat pen turǵyn úı arasynda 300 metr qashyqtyq saqtalýy kerek.

Buǵan deıin N. Álmuhanov Astanadaǵy zıratta jerleý ornyn onlaın rejımde tańdaýǵa bolatynyn aıtqan edi.

Ol úshin zherleu.astana.kz saıtynda jerleýge ótinim berý kerek.