Astana jylý berý maýsymyna daıyn

ASTANA. QazAqparat - Astanada aldaǵy jylý berý maýsymyna daıyndyq aıaqtalyp keledi. Qazir qaladaǵy 2115 turǵyn úıdiń 2061 sýyq maýsymǵa saqadaı-saı. Bul qaladaǵy turǵyn úılerdiń 97 paıyzyn quraıdy, dep habarlady astana.gov.kz saıty.

«Qalanyń kópqabatty úıleri jylý maýsymyna daıyn deýge negiz bar. Daıyndyq barysynda shatyrlar jóndelip, jylýmen qamtamasyz etetin jeliler aýystyryldy. Jylý almastyrǵyshtar, jalpy turǵyn úılik jylý men sýdy esepteıtin qurylǵylar jańadan ornatyldy. Sýmen jabdyqtaý, elektr júıesi jóndeldi», - dedi . Astana qalasy Turǵyn úı ınspektsııasy basqarmasynyń bólim basshysy Amandos Qusanov.

Búginge deıin úı ishilik 308 qondyrǵynyń 263-i ornatylyp, sý esepteıtin 230 qurylǵynyń 227-si aýystyrylǵan. Jalpy, Astananyń úsh aýdanynda da jylytý maýsymyna daıyndyq qorytyndylanyp jatyr. Áleýmettik nysandarǵa toqtalsaq, 137 bilim mekemesiniń 130-y, ortalyq jylý berý júıesine qosylǵan 28 densaýlyq mekemesiniń barlyǵy jáne 92 mádenı nysan qysqa daıyn.