Astana jumyspen qamtý ortalyǵyna júgingen 3000 adam eńbekke ornalasty

ASTANA. QazAqparat - Astanada Jumyspen qamtý ortalyǵyna tirkelgen 74,3 paıyz jumyssyz áleýmettik qorǵaý sharalarymen qamtyldy. Bul derekterdi aǵymdaǵy jyldan bastap bes aılyq nátıje boıynsha Jumyspen qamtý, eńbek jáne áleýmettik qorǵaý basqarmasy keltirdi.

Jyl basynan bastap  jumyspen qamtý ortalyǵyna barlyǵy 5748 adam júgingen, olardyń 2 858-i jumyspen qamtyldy, onyń ishinde 100 adam áleýmettik jumysqa jáne 254 adam jastar praktıkasyna jiberildi. Qoǵamdyq jumystarǵa myńǵa jýyq adam tartyldy.

Kásibı daıyndyq, qaıta daıarlaý jáne biliktilikti arttyrý kýrstarynda 414 adam oqytylýda.

Jumyspen qamtý ortalyqtarynyń derekteri boıynsha, jańa jumys ornyn qurý maqsatynda memleket  jol qurylysy, áleýmettik nysandardy jóndeý sııaqty qoǵamdyq jumystardy oryndaıdy. Atap ótsek, «Jumyspen qamtý jol kartasy 2020» baǵldarlamasy aıasynda bıyl Astanada balabaqsha, mektep, aýrýhana sııaqty 55 áleýmettik nysan jóndeýden ótti. Barlyǵy 550 jańa jumys orny qurylady.