Astana joldarynda jyl basynan 25 adam kóz jumǵan

<p>Jyl basynan elordada jol-kólik oqıǵalarynan 25 adam mert boldy. Bul týraly Astana qalalyq Polıtsııa departamenti jergilikti polıtsııa qyzmeti basqarmasynyń bastyǵy Arman Aıtmaǵambetov aıtty, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform agenttigi</a>.</p>

«Osy jyldyń 9 aıynyń qorytyndysynda elorda aýmaǵynda 570 jol-kólik oqıǵasy tirkeldi. Onda 624 adam jaraqat alyp, 25 adam qaza tapty. Apatqa jaqyn eldi mekenderden táýlik saıyn qalaǵa 75 myńǵa deıin avtokóliktiń kirýi, jaqyn shet elderdiń 16 myń avtokóliginiń qalada júrýi, tirkelgen kólik sanynyń 76 050 birlikke ulǵaıýy sebep bolyp otyr», – dedi polıtsııa qyzmeti basqarmasynyń bastyǵy Óńirlik kommýnıkatsııalar qyzmetindegi brıfıngide.

Atap ótilgendeı, jol qaýipsizdigin kúsheıtý maqsatynda 6-9 qazan aralyǵynda qala aýmaǵynda «Qaýipsiz jol» jedel-aldyn alý is-sharasy ótkizildi.

«Іs-sharanyń birinshi kúninde jol qozǵalysy erejelerin buzýdyń 1 171 faktisine jol berilgen joq. Kólikti mas kúıinde júrgizgen 29 júrgizýshi, sonymen qatar apatty jaǵdaı jasaǵan – 34, telefon paıdalanǵan – 95, qaýipsizdik beldigin taqpaǵan – 158, baǵdarshamnyń tyıym salatyn belgisine ótken 41 júrgizýshi ustaldy. Jol qozǵalysy erejesin buzǵan skýterler men mopedterdiń júrgizýshilerine 81 hattama toltyryldy. 349 jaıaý júrginshige aıyppul salyndy», – dedi Arman Aıtmaǵambetov.