Astana joldarynda 9 baldyq kólik keptelisi tirkeldi

<p>ASTANA. KAZINFORM &ndash; Tolassyz jaýǵan qardyń saldarynan Astanada kúndizdiń ózinde 9 baldyq keptelis tirkeldi.</p>

2GIS málimeti boıynsha qalanyń negizgi kósheleriniń bári «qyzyl» túspen belgilengen. Qalypty kúnderi bul kóshelerde keptelis tańǵy jáne keshki pık-saǵattarda tirkeletin.
Keptelis ásirese EXPO qalashyǵy men «Astana Arena» keshenimen shektesip jatqan kóshe qıylystarynda, «Aqorda» rezıdentsııasy men «Haziret Sultan» meshitiniń aınalasyndaǵy qıylystarda qatty sezilip tur. Sondaı-aq, «Asia Park» saýda-oıyn saýyq ortalyǵy men Máńgilik el kóshesiniń Oń jaǵalaýǵa ulasqan tusynda keptelis «qoıýlanyp» barady.

Foto: foto skrın

Ákimdiktiń tańerteń taratqan málimeti boıynsha, qarashanyń 12-sinen 13i-ne qaraǵan túni kommýnaldyq qyzmetter elordadan 28 myń tekshe metrden astam qar shyǵarǵan.
Búgin kúndizgi aýysymda qala kóshelerin qar men muzdan 2,6 myńǵa jýyq jol jumysshy men 1,5 myńǵa jýyq arnaıy tehnıka tazartyp júr.
Jaly elordaǵa qar túse bastaǵannan beri qala syrtyndaǵy polıgondarǵa 154 myń tekshe metrden astam qar tógilgen.

Eske salsaq, 8 qarashada jaýǵan qardan Almatyda 11 baldyq kólik keptelisi paıda boldy.