Astana jastary qala tarıhyn oıyn arqyly bilýde

ASTANA.  QazAqparat - «Báıterek» monýmentiniń aldyndaǵy alańda Astana qalasynyń 20 jyldyǵy aıasynda «Astana tarıhy» atty kvest bastaý aldy, dep habarlaıdy Astana qalasy ákimdiginiń resmı saıty.

Sharaǵa 22 top qatysyp jatyr, ár topta 8-10 adamnan, eń jas qatysýshy - 12 jasta.

Jobanyń basty maqsaty qalamyzdyń tarıhy týraly aıtý jáne Astana qalasyndaǵy qasıetti oryndar týraly málimet berý. Uıymdastyrýshylardyń aıtýynsha bul shara «Rýhanı jańǵyrý» baǵdarlamasynyń jáne «Astananyń 20 qyry» konkýrsynyń aıasynda ótýde.

«Tapsyrma ala otyryp qala tarıhymen tanysýdyń jaqsy múmkindigi. Bundaı erekshe sharany ótkizýdiń bastaýshysy qala ákimdigi. Biz ótken tarıh pen qazirgi kúngi jetistikterdi qosyp IT tehnologııany qoldana otyryp jasap shyqtyq», dedi sharany uıymdastyrýshy, «Vzapertı» kompanııasynyń ókili Isabaı Esmaǵambetov.

Onyń aıtýynsha, qatysýshylar 5 etaptan ótýi tıis, olar 10, 17, 23, 24 maýsymda jáne qorytyndy shara 1 shilde kúni ótedi. Osy kúni jeńimpaz anyqtalady.

Konkýrsqa katysýshylar túrli formattaǵy tapsyrmalardy berilgen lokatsııalarda oryndaýy tıis. Mysaly, búgin «Báıterek» monýmenti aldynan bastaý alyp «Máskeý» bıznes ortalyǵy, mınıstrlikter úıi, «Astanalyq» jáne «Han shatyr» SOSO-na jetýleri tıis.

«Shatasý jáne kelispeýshilik bolmaý úshin ár lokatsııada eki koordınator turady, olar ýaqytty belgilep kelesi tapsyrmany beredi», - deıdi I. Esmaǵambetov.

Onyń sózinshe, konkýrska qatysýshylar tapsyrmalardy QR-kod pen jasyrylǵan konvertte alady, ony skanerlep alady da tapsyrmany oryndaýǵa kirisedi.

«Osyndaı sharalarǵa qatysyp ondaǵy tapsyrmalardy oryndaý arqyly biz qalamyzdyń tarıhy týraly mol málimet alamyz. Biz kvestke jıi qatysamyz, demalys kúnderin kóńildi jáne tıimdi ótkizý úshin osyndaı sharalar jıi ótse degen tilegim bar», - deıdi kvestke qatysýshy ıÝrıı Vasılev.

Jeńimpazdar aqshalaı marapattalady. Birinshi oryn alǵan topqa - 300 myń tg, ekinshi orynǵa - 200 myń tg, úshinshi orynǵa - 100 myń tg beriledi.