«Astana-Volgograd-Astana» avtosherýi aıaqtaldy
Búgin oǵan qatysqan ınternatsıonalıst-jaýyngerler toby elordaǵa kelip, Stalıngrad shaıqasy bolǵan jerdiń kapsýlasyn «Atameken» murajaıyna tapsyrdy.
Saltanatty shara barysynda Respýblıkalyq ulannyń sarbazdary sap túzep, Qazaqstannyń Ánuranyn bir demmen oryndap shyqty. Daýylpazdyń dúrsilimen barlyǵy Stalıngrad shaıqasynda qaza tapqan qazaqstandyq jaýyngerlerdi bir mınót únsizdikpen eske aldy. Osydan keıin Volgograd (burynǵy Stalıngrad) jerine baryp kelgen delegatsııanyń basshysy, polkovnık Muhamedjan Talasov sol bir surapyl soǵystyń ıisi sińgen jerdiń kapsýlasyn «Atameken» etno-memorıaldyq keshenine saltanatty túrde tabys etti.
«Avtosherý barysynda biz Stalıngradta jatqan qazaqstandyq jaýyngerlerdiń zıratyna týǵan jerdiń bir ýys topyraǵyn jetkizdik. Al Astanaǵa Stalıngrad shaıqasynda qaza bolǵan jaýyngerlerdiń qany sińgen jerdiń kapsýlasyn alyp keldik. Biz Keńester Odaǵy ydyraǵannan beri alǵashqylardyń biri bolyp, Stalıngrad jerinde jatqan jerlesterimizdiń rýhyna taǵzym jasap qaıttyq. Shyny kerek, reseılikter bizge dán rıza boldy. Olar qazaqstandyqtardy batyl halyqtyń urpaǵy retinde tanıdy», - deıdi Astana qalasynyń Qorǵanys isteri departamentiniń bastyǵy, «Astana-Volgograd-Astana» avtosherýi delegatsııasynyń basshysy M.Talasov.