Astana vokzaly sáýlet óneriniń Oskaryna úmitker

ASTANA. QazAqparat - Dúnıejúzilik WAF - 2017 festıvaliniń uıymdastyrýshylary fınalǵa ótkenderdiń tizimin jarııalady. Tizimde 400-den astam nysandar qamtylǵan, olardyń qatarynda taıaýda ǵana paıdalanýǵa berilgen Astana vokzaly da bar, dep habarlaıdy «Krysha».

Baıqaý talaptaryna boıynsha, joba avtory - Tabanlioglu sáýlet bıýrosy qatań irikteýden ótip, bıylǵy jyldyń kúzinde óz jobasyn Berlınde kópshilik nazaryna usynbaqshy. Qazylar alqasy festıval jeńimpazdaryn 15 jáne 17 qarashada habarlaıdy. 

Atalmysh shara jyl saıyn ótkiziledi jáne bıylǵy jyly on jyldyq mereıtoıyn atap ótpek. Bul joly uıymdastyrýshylar birneshe myńdaǵan ótinishterdi qabyldaǵan.

WAF-ty kóbinese arhıtektýralyq «Oskar» dep ataıdy. Saltanatty sharada túrli nomınatsııalar boıynsha úzdik otyz nysandy anyqtap, eń joǵarǵysyna «Jyl ǵımaraty» atalymyn tabystaıdy. Baıqaý jeńimpazdary dúnıejúzine tanylyp, kóptegen artyqshylyqtarǵa ıe bolady.

Aıta keteıik, Astanadaǵy jańa vokzaldyń qurylysy 2014 jyly bastaldy. Qurylys jumystary Halyqaralyq kórme qarsańynda, 2017 jyldyń mamyr aıynda aıaqtaldy .

«Nurly jol» ataýyna ıe bolǵan nysan Astana qalasynyń Almaty aýdanyndaǵy Mustafın kóshesinde ornalasqan. Ǵımarat aýdany 120 myń sharshy metrden asady, al vokzal arqyly táýligine 35 myń jolaýshy ótedi.