Astana vokzalyndaǵy kólik turaǵy tarıfi arzandady

<p>&laquo;City Transportation Systems&raquo; JShS &laquo;Astana&raquo; TJ&nbsp;vokzalyndaǵy aqyly turaqtyń tarıfi 5 tamyzdan bastap ózgeretinin málimdedi.</p>

«Barlyq paıdalanýshy úshin yńǵaıly jáne qolaıly jaǵdaıdy qamtamasyz etý maqsatynda 2 saǵattan keıingi 6 saǵatqa deıingi turaq úshin ár saǵatyna qosylatyn 1 myń tg tólem alynyp tastalynady.

Endi saǵattyq tarıf 200 tg bolady, ıaǵnı ár qosymsha saǵat úshin tek 200 tg qosylady. Máselen, qazirgi tarıf boıynsha 3 saǵattyq turaq úshin paıdalanýshy 1200 tg tóleýi kerek. Jańa tarıf boıynsha 3 saǵat úshin 600 tg alynady.

Odan kópteý ýaqyt, 6 saǵatty salystyrsaq, qazirgi tarıf boıynsha ol 4 200 tg, endigi jańa baǵada — 1 200 tg», — dep túsindirdi vedomstvodan.

Esterińizge sala keteıik, «Astana» temir jol vokzalyndaǵy aqyly turaq tarıfi 2017 jyldan ózgergen joq. Tarıftik keste turǵyndardan túsken ótinishterdiń nátıjesi boıynsha jáne turaqtardy paıdalaný shyǵyndarynyń qarjylyq kórsetkishterin eskere kele jasaqtaldy.

Salystyrmaly baǵa kestesin kelesi sýretten qaraı alasyzdar.