«Astana» - «Vılıarreal» oıyny úshin arnaıy avtobýstar shyǵarylady

ASTANA. QazAqparat - «Astana» - «Vılıarreal» komandalary arasynda fýtbol matchy jankúıerlerin «Astana Arena» stadıonyna jetkizý maqsatynda 23 qarashada arnaıy avtobýstar jolǵa shyǵady, dep habarlaıdy «QazAqparat» HAA tilshisi «Astana LRT» JShS ókili Asqar Ataǵulınniń Feısbektegi málimetine silteme jasap.

Asqar Ataǵulınniń habarlaýynsha, 23 qarashada qosymsha avtobýstar saǵat 20:00-21:00 aralyǵynda júredi.

«Avtobýstardyń jetkizý oryny «Astana Arena» stadıony. Arnaıy qoǵamdyq kólikter «Qazaqstan» SK turaǵy, «Nur Astana» meshiti turaǵy, «Jastar» saraıy» turaǵy, «Astanalyq tsırk» turaǵynan shyǵady. Júrý aqysy - 90 teńge. Júrý bıletteri men jeńildigi bar bıletter jaramsyz», - deıdi ol.

«Astana LRT» JShS ókiliniń aqparatyna sáıkes, oıyn aıaqtalǵan soń qalaǵa № 10, 12, 28, 37, 40, 51, 53, 303 qoǵamdyq kóliktermen jetýge bolady. Saǵat 23.30-den bastap Qabanbaı batyr dańǵyly boıynsha stadıonnyń turaǵy men «Astana Arena stadıony» aıaldamasynda jankúıerlerdi qalaǵa aparatyn avtobýstar shyǵady.