Astana velojoldary kólik basqarmasynyń balansyna beriledi

<p>Elordadaǵy velojoldar qalalyq ákimdiktiń balansyna berý týraly sheshim qabyldandy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Astana máslıhaty turaqty komıssııasynyń otyrysynda depýtat Talǵat Erǵalıev elorda velojoldarynyń sapasyn synǵa aldy.

«Velosıpedpen jıi júremin. Ortalyq saıabaqtan mınıstrlikter úıine deıin velojol bar. Odan ári velosıped joly joq. Sosyn Barys Arena jaqta qurylys júrip jatyr. Ol mańaıda da velojol taba almadym», - deıdi halyq qalaýlysy.

Saýalǵa Astana qalasynyń qorshaǵan ortany qorǵaý jáne tabıǵat paıdalaný basqarmasy basshysynyń mindetin atqarýshy Erlan Berdalın jaýap berdi.

«Ózderińiz biletindeı, 2017 jyly velojoldy birneshe oblys birlesip Astanaǵa syıǵa tartty. Iá, búginde velojoldyń keıbir bóligi jóndeýdi qajet etedi. Ótken aptada qaladaǵy velojoldardy kólik basqarmasynyń balansyna berý jóninde sheshim qabyldandy. Endi velojolmen sol basqarma aınalysady», - dep túsindirdi ol.