Astana - Úrimshi baǵytyndaǵy reıs sany artyp keledi

<p>ASTANA. KAZINFORM &ndash;&nbsp;&nbsp; Kólik mınıstrligi halyqaralyq reıster sanyn ulǵaıtý jáne ushý geografııasyn keńeıtý boıynsha jumys jalǵasyp jatqanyn málimdedi.</p>

2024 jylǵy 30 mamyrdan bastap «China Southern Airlines» áýe kompanııasy Astana – Úrimshi baǵyty boıynsha reıster sanyn aptasyna 2-den 3 reıske deıin arttyrýdy josparlap otyr. Reıster Boeing 737 (syıymdylyǵy 128-den 178 orynǵa deıin) ushaqtarynda oryndalady.

Osylaısha, Prezıdent Qasym-Jomart Toqaevtyń 2023 jylǵy qazandaǵy Qytaıǵa saparynyń qorytyndysy boıynsha elder arasyndaǵy reısterdiń jalpy sany aptasyna 27-den 43-ke deıin ulǵaıady. Qazaqstan men Qytaı arasyndaǵy reıster sanynyń artýy elder arasyndaǵy týrıstik, mádenı, ınvestıtsııalyq jáne iskerlik yntymaqtastyqty odan ári damytýǵa, sondaı-aq halyqaralyq áýe tasymaly naryǵyndaǵy básekelestiktiń artýyna jáne áýe bıletteri baǵasynyń tómendeýine yqpal etedi.

Buǵan deıin Aqtóbe-Úrimshi baǵytynda júk tasymaldaıtyn áýe reısi iske qosylǵanyn jazǵan bolatynbyz.