«Astana» UEFA Konferentsııa lıgasynan shyǵyp qaldy
Elordalyq komanda búgin óz alańynda Polshanyń «Rakýv» klýbyn qabyldady.
Eki komanda arasyndaǵy kezdesýdiń taǵdyry alǵashqy oıynda sheshilip qoıǵan sekildi. «Astana» syrt alańda 0:5 esebimen ese jiberip qoıǵan edi.
Sondyqtan búgingi oıynda qazaqstandyq klýb kem degende bes dop aıyrmasymen jeńiske jetý qajet bolatyn.
Soǵan qaramastan olardyń tarapynan belsendilik baıqala qoıǵan joq. Qarsylas komandany tyqsyryp oınaýǵa múmkindigi bolǵan joq. Esesine polshalyq fýtbolshylar jasyl alań tórinde saýatty qımyldaı bildi. Nátıjesinde olardyń tarapynan Vladıslav Kochergın 16-mınýtta kózdegen nysanadan múlt ketken joq.
Ekinshi kezeńde de oıyn barysynda aıtarlyqtaı ózgeris bola qoıǵan joq. Dop negizinen alań ortasynda boldy. Tablodaǵy esep ózgerissiz qaldy.
«Astana» qarsylasyna 0:1 esebimen ese jiberip, jarys jolynan shyǵyp qaldy.
Dál qazir Almatynyń «Qaıraty» jáne vengrııalyq «Kıshvarda» komandasynyń birinshi kezeńi aıaqtaldy. Ázirge qazaqstandyq klýb qarsylasyna 0:1 esebimen jeńilip jatyr. Eki komanda arasyndaǵy alǵashqy oıynda «Kıshvarda» dál sol eseppen basym túsken edi.
Sondaı-aq, 28 shildeden 29 shildege qaraǵan túni saǵat 00:30-da Horvatııada «Osıek» pen «Kyzyljar» oınaıdy. Alǵashqy kezdesý 2:1 esebimen «Osıek» komandasynyń basymdyǵymen aıaqtaldy.
Eske salsaq, ázirge qazaqstandyq klýbtar qatarynan «Tobyl» ǵana úshinshi irikteý satysyna joldama aldy. Qostanaılyq klýb eki oıynnyń nátıjesimen (2:0, 1:0) Gıbraltardyń «Lınkoln Red Imps» komandasyn orta jolda qaldyrdy.
Foto: sports.kz