Astana týrızmdi damytý baǵytyndaǵy sharalardan 2 mln dollar paıda tabýdy kózdep otyr
«2023 jyldyń 25-26 mamyr aralyǵynda 150 sheteldik qatysýshymen «Bizz Awards» sharasy ótedi. 29 mamyr - 1 maýsym aralyǵynda 200 sheteldiktiń qatysýymen «INQAAHE» konferentsııasy sonymen qatar 14-18 tamyz aralyǵynda 600 sheteldiktiń qatysýymen Arc topyraq mehanıkasy jáne geotehnıka boıynsha Azııa aımaqtyq konferentsııasy ótedi. Bul is-sharalarǵa 2 myńnan astam delegat keledi», - dedi Astana qalasy ınvestıtsııalar jáne kásipkerlikti damytý basqarmasy basshynyń orynbasary Qýanysh Saparov.
Onyń aıtýynsha, atalǵan is-sharalardan qala ekonomıkasyna 2 mıllıon AQSh dollarynan astam tabys túsedi dep kútilýde.
«Joǵaryda aıtqan tabys sheteldik delegattardyń esebinen kelmek. Bul jerde meımandardyń qonaqúıde turýy, kólik qatynasy, tamaqtaný, qosymsha qyzmetter men kádesyı ónimderin satyp alady. Sonymen qatar, elge kelgen shetel azamattary orta eseppen 1438 dollar jumsaıdy dep boljanýda. Ádette, týrızm salasy boıynsha is-sharalar úı-jaılardy, tehnıkany, aýdarma jáne taǵy sol sııaqty qyzmet arqyly jergilikti ekonomıkaǵa tabys keledi. Nátıjesinde jergilikti 100-200 adam jumys ornymen qamtylady»,- deıdi ol.