Astana turǵyny Á.Jumaǵulovty soqqyǵa jyǵý oqıǵasyn tergeý - Bas Prokýror men Іshki ister mınıstriniń jeke baqylaýynda

ASTANA. QazAqparat - Qoǵamdyq silkinis týdyrǵan Astana qalasynyń turǵyny Álibı Jumaǵulovtyń soqqyǵa jyǵylý faktisin tergeý barysy Bas Prokýror men Іshki ister mınıstriniń jeke baqylaýyna alyndy. Bul týraly qala prokýratýrasy habarlady.

Tergeýdiń alǵashqy kúninen bastap-aq jábirlenýshi málimdegen faktilerdiń anyq-qanyǵyn jan-jaqty anyqtaý jóninde qajetti tergeý amaldary júrgizilýde.

2015 jylǵy 23 sáýirde atalmysh qylmysty jasaýǵa kúdikti retinde Q.Jamalıev ustalyp, 24 sáýir kúni oǵan qatysty is materıaldary qamaýǵa alý sharalaryn qabyldaý úshin sotqa jóneltildi.

Esil aýdany prokýrorynyń sanktsııasymen kúdikti Q.Jamalıevtiń turǵylyqty jerine, sondaı-aq onyń qyzmettik keńsesine úsh ret tintý sharalary júrgizildi.

25 sáýir kúni polıtsııa qyzmetkerleri qylmysqa qatysty ekinshi adamdy - A. Prıbytkovty (Jamalıevtiń júrgizýshisi) ustady.

Dál osy kúni qylmysqa qatysty úshinshi kúdikti - A. Ábiltaevqa izdeý jarııalaı otyryp, ony syrttaı qamaýǵa alý sharasyn sanktsııalaý týraly usynys kelisildi.

Tergeý barysy Bas Prokýror men Іshki ister mınıstriniń jeke baqylaýyna alyndy.