Astana turǵyny LRT baǵanyna asylyp qaldy

<p>ASTANA. KAZINFORM — Tańerteń elordada salynyp jatqan LRT qurylysy alańynda er adamnyń asylyp qalǵan múrdesi tabyldy. Bul aqparatty qalalyq polıtsııa departamentiniń baspasóz qyzmeti rastady. </p>

«102 jelisine Jumeken Nájimedenov kóshesindegi qurylys obektisinde er adamnyń asylyp qalǵany týraly habar tústi. Polıtsııa qyzmetkerleri 38 jastaǵy azamattyń jeke basyn anyqtady. Atalǵan fakti boıynsha qylmystyq is qozǵaldy, qazir tergeý amaldary júrip jatyr. Іstiń mán-jaıy anyqtalýda», — delingen habarlamada. 

Eske sala keteıik, qyrkúıek bastalǵaly elimizdiń birneshe óńirinde sýıtsıd jaǵdaıy tirkeldi. Atap aıtsaq, 10 qyrkúıekte Aqmola oblysynda órt sóndirýshi sýıtsıd jasady. 

16 qyrkúıekte Almatyda kópqabatty úıden qulaǵan eki jasóspirim kóz jumdy. 

Odan bólek, 22 qyrkúıek kúni Almatyda Ulttyq qaýipsizdik komıtetine qarasty shekara akademııasynyń kýrsanty kóz jumdy.

Belgili bolǵandaı, túngi ýaqytta 19 jastaǵy jigit Almatydaǵy Dostyq dańǵylyndaǵy kópqabatty úıden sekirip ketken. Bul fakti boıynsha Medeý aýdandyq polıtsııa bólimi qylmystyq is qozǵady. 

Taǵy bir qaıǵyly jaǵdaı 23 qyrkúıekte Almaty qalasynda boldy. Jas jigit kópqabatty úıden sekirip ketken.