«Astana turaq keńistigi» aqyly turaqtardan bir jylda 800 mln teńge tabys tapqan

<p>ASTANA. KAZINFORM &ndash; Astana qalasyndaǵy aqyly turaqtarǵa jaýapty &laquo;Astana turaq keńistigi&raquo; JShS byltyr 800 mln teńge tabys tapqan. Bul týraly qalalyq kólik jáne jol-kólik ınfraqurylymyn damytý basqarmasy Kazinform saýalyna joldaǵan jaýapta málim etti.</p>

Basqarmanyń málimetine súıensek, 2023 jyly elordadaǵy aqyly turaqtardan qala bıýdjetine tólemniń úlesi retinde 200 mln teńge, aıyppul túrinde 1,3 mlrd teńge túsken.

«Memleket-jeke menshik áriptestiginiń sharty boıynsha 2022 jylǵy jeltoqsannan 2038 jylǵy qarashaǵa deıin memlekettik serikteske 25%, jeke serikteske 75% úles belgilengen. Sondaı-aq, aqyly turaq qyzmetterin tóleýden jaltarǵany úshin salynatyn aıyppuldan túsken aqshanyń bári qala bıýdjetine túsedi», - dep jazylǵan ákimdiktiń málimetinde. 

ıAǵnı, 2023 jyly aqyly turaqqa der kezinde tólengen somanyń 25 paıyzy 200 mln teńge degen sóz. «Astana turaq keńistigi» JShS-niń úlesi 75 paıyz ekenin eskersek, kásiporyn bir jylda 800 mln teńge tapqan.

Eske sala keteıik, buǵan deıin Májilis depýtaty Ashat Aımaǵambetov Astanadaǵy aqyly turaqtardyń máselesin retteýdiń jolyn aıtqanyn jazǵan bolatynbyz. 

Astanada áli 2800 oryn aqyly turaqqa aınalady.