«Astana» tórt týrdan keıin jeńiske jetti

Búgin fýtboldan premer-lıga komandalary arasyndaǵy el birinshiliginiń 22-týrynda «Astana» «Tobyldan» basym tústi, dep habarlaıdy QazAqparat tilshisi.

Atalǵan týrda elordalyq «Astana» óz alańynda Qostanaıdyń «Tobyl» komandasyn qabyldady.

Elordalyq komanda bıyl bas júldege úmitker sanalady. Degenmen sońǵy tórt týrda eki márte teń túsip, eki ret jeńilistiń aşy dámin atty. Saldarynan týrnır kestesindegi jaǵdaıyn qıyndatyp aldy.

Búgingi kezdesý barysynda «Astana» jınaqy qımyl kórsetti. Oıynnyń 5-mınýtynda Dembo Darbo mergendik tanytsa, 77-mınýtta Aleks Amanovıch esepti ulǵaıta tústi.

Al qostanaılyq klýbtan Serj Deble 90-mınýtta bir gol soqty.

Osylaısha «Astana» qarsylasynan 2:1 esebimen basym tústi.

Sondaı-aq, búgin «Atyraý» men «Qyzyljar» 0:0 esebine qanaǵat bildirdi.

Aıta ketsek, 16 qyrkúıekte óz alańynda «Aqsý» «Oqjetpeske» 0:1, «Kaspıı» «Maqtaralǵa» 0:2 esebimen jol berdi.

Endi elorda ýaqytymen 21:00-de «Aqtóbe» men «Ordabasy» komandalary synǵa túsedi. Bul kezdesýde shymkenttik klýb jeńiske jetken jaǵdaıda chempıondyq ataqqa bir qadam jaqyndaı túsedi.

Al 17 qyrkúıekte «Jetisý» men «Qaırat», «Shahter» men «Qaısar» komandalary kezdesedi.