Astana-Temirtaý jolynda jyldamdyq rejımi 140 km/saǵ deıin ulǵaıdy

<p>ASTANA. KAZINFORM — QazAvtoJol ulttyq kompanııasy «Astana-Temirtaý» avtomobıl jolynda jyldamdyq rejımi ózgeretinin habarlady. </p>

Ákimshilik polıtsııa komıtetiniń 26 sáýirdegi uıǵarymyna sáıkes «Astana-Temirtaý» avtomobıl jolynyń 1305-1327 shaqyrymy aralyǵyndaǵy ýchaskede (Babataı kentinen — Arshaly kentine deıingi ýchaske) jyldamdyq rejımi 120-dan 140 km/saǵ deıin ulǵaıdy.

«Alaıda „Astana-Temirtaý“ aqyly jolynyń Arshaly kenti ýchaskesi janyndaǵy uzyndyǵy 4 shaqyrym bolatyn („Ekaterınbýrg-Almaty“ respýblıkalyq mańyzy bar avtojolynyń 1327 shaqyrymynan +350 m 1331 shaqyrymyna +450 m deıingi aralyq) kólik aıryǵynda 120 km/saǵ deıin jyldamdyqqa shekteý qoıylǵanyn eskertemiz. 2023 jyldyń mamyr aıynda Arshaly aýdandyq polıtsııa bólimshesi sol ýchaskeniń 1305-1327 shaqyrymy aralyǵynda jyldamdyq rejımin 140 km/saǵ-tan 120 km/saǵ deıin azaıtqan bolatyn. QazAvtoJoldyń aqyly avtomobıl joldary dırektsııasy fılıaly atalmysh jol ýchaskesi 1-A „Avtomagıstral“ sanatyna jatatynyn jáne erejege sáıkes avtomagıstraldarda qozǵalys jyldamdyǵy 140 km/saǵ ekenin habarlaıdy» dedi kompanııadan. 

Sonymen qatar, kelesi respýblıkalyq mańyzy bar avtomobıl joldarda mynadaı qozǵalys jyldamdyǵy bekitilgen:

• І-a sanaty — 140 km/saǵ (Astana-Pavlodar, Astana-Şýchınsk, Astana-Temirtaý, Almaty-Qonaev);
• І-b sanaty — 110 km/saǵ (Almaty-Qorǵas, Shymkent — Ózbekstan shekarasy, Qonaev-Taldyqorǵan, Shymkent-Qyzylorda, Shymkent-Taraz, Taraz-Qaınar, Şýchınsk-Kókshetaý);
• ІІ sanat — 100 km/saǵ (Pavlodar-Semeı-Qalbataý, Kókshetaý-Petropavl, Pavlodar-RF shekarasy (Omby baǵyty), Oral-RF shekarasy (Samara baǵyty), Oral-RF shekarasy (Saratov baǵyty), Beıneý-Aqjigit-Ózbekstan shekarasy).