«Astana-Temirtaý» aralyǵyndaǵy avtoban qarasha aıynda ashylady
Bul týraly búgin «QazAvtoJol» kompanııasynyń Aqmola oblysy boıynsha fılıalynyń basshysy Talǵat Smaǵulov málim etti, dep habarlaıdy QazAqparat.
Fılıal dırektorynyń sózinshe, qurylys jumystary 90%-ǵa aıaqtalǵan. Bolashaqta avtoban aqyly bolady dep josparlanýda.
"Nurly jol" baǵdarlamasy aıasynda "Ortalyq-Ońtústik" dálizin jańǵyrtý jumystary júrgizilýde. "Astana-Temirtaý" ýchaskesi aıaqtalýǵa jaqyn. Jol birinshi texnıkalyq "A" sanatyna jatady. Astanadan Temirtaýǵa deıin sozylyp jatqan joldyń jalpy kólemi 171 shaqyrym. Jol qurylysynyń negizgi jumystary aıaqtalýda. Qazirgi ýaqytta qorshaýlar, jolaqtar salý jáne magıstraldi qardan qorǵaıtyn bóget turǵyzý sııaqty usaq jumystar qaldy. Bul jumystar tolyǵymen qarasha aıynda aıaqtalady jáne Astanadan Temirtaýǵa deıin tórt jolaq boıynsha qozǵalys tolyq ashylady", - dedi tilshilerge bergen suxbatynda.
Sonymen qatar joldyń birqatar ýchaskelerine jaryq shamdaryn ornatý jumystary júrgizilýde. Arshaly jáne Oshaǵandy aýyldarynda jol boıynan jylytý qyzmetin kórsetetin 2 avtoturaq salý josparlanýda.
Joldy qalpyna keltirý jumystary 2013 jyly bastalǵan bolatyn. Qazirgi kezde jol jóndeý jumystaryna 2 myńǵa jýyq adam tartylyp otyr.
Aıta keteıik, «Astana-Qaraǵandy» avtobanynyń qurylysyna 18 mlrd. teńgege jýyq qarajat baǵyttaldy. Jumystar tolyǵymen 2016 jyldyń sońyna qaraı aıaqtalýy tıis edi.