Astana sý qoımasynda sý qory tapshylyǵy qalaı sheshiledi

ASTANA. QazAqparat – Elorda irgesindegi Astana sý qoımasyna Ertis jáne Esil ózeni arqyly qosymsha sý qory jetkiziledi, dep habarlaıdy QazAqparat tilshisi.

«Astana sý qoımasy boıynsha búginde ýaıymdaıtyndaı esh másele joq. Qoımadaǵy sý qory normaǵa jýyq, 300 mln tekshe sý bar. Jyl saıyn elorda jurtyn sýmen qamtý úshin 95 mln tekshe sý qajet. Aldaǵy ýaqytta sý tapshylyǵy máselesi týyndaıdy. Óıtkeni, qala halqy jyl sanap ósip keledi. Osy oraıda Astana sý qoımasynda qosymsha sý qoryn retteý úshin bizdiń mınıstrlik eki jobany júzege asyryp jatyr. Ol boıynsha Ertis basseıninen Esil ózenine qosymsha sý qory jetkiziledi»,- dedi QR Ekologııa jáne tabıǵı resýrstar mınıstrligi sý resýrstary komıteti tóraǵasynyń mindetin atqarýshy Dosbol Bekmaǵambetov «Qazgıdromet» mekemesinde ótken baspasóz máslıhatynda.

Buǵan deıin habarlaǵanymyzdaı, Qazaqstanda kóktemgi sý tasqynyna daıyndyq sharalary bastaldy.

Sonymen qatar, elimiz boıynsha aqpan aıyndaǵy kún raıyna boljam jasaldy.

Spıkerdiń málimdeýinshe, aqpanda elimizdiń basym bóliginde aýa temperatýrasy klımattyq normaǵa jaqyn.

Ońtústik óńirlerde normadan 1 gradýs joǵary. Aqpan aıynda jaýyn-shashyn respýblıkanyń basym bóliginde qalypty normaǵa jýyq bolady dep kútilip otyr.

Ashyq kózderden alynǵan foto