«Astana sý arnasynyń» basshysy qansha jalaqy alady

<p>&laquo;Astana sý arnasy&raquo; MKK bas dırektory Tabıǵat Zeınýlqabden sý tarıfin kóterý týraly jarııa tyńdaýda ózi men ujymnyń qansha jalaqy alatynyn aıtty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Onyń aıtýynsha, «Astana sý arnasy» bas dırektory retinde ózi 725 myń teńge aılyq alady, ınjenerlik-tehnıkalyq qyzmetker jalaqysy 400 myń teńgeden asady, tazalaýshylar eńbekaqysy — 180 myń teńge. 

Jalpy «Astana sý arnasy» ujymynyń ortasha jalaqysy — 308 myń teńge.

«Eki táýlikten jumys isteıtin mashınıster shamamen 200 myń teńge alady. Slesarlar — shamamen 220-230 myń teńge, keıde jumys kólemi kóbeıse, kóbirek jalaqy alady. Qazirgi ýaqytta meniń jalaqym 725 myń teńgeni quraıdy», — dedi Tabıǵat Zeınýlqabden.

Eske sala ketsek, 2024 jyldyń 1 qańtarynan bastap elordadaǵy sý tarıfin kóterý usynyldy. Astanada jyl saıyn páter sany kóbeıip keledi.

Qazirgi ýaqytta 470 myń abonent bolsa, jaqyn aralyqta bul kórsetkish 500 myńǵa jetedi.

Jarııa tyńdaý qorytyndysy boıynsha aıtylǵan eskertýler men usynystar eskerilip, ótinimder muqııat taldanǵan soń qalalyq tabıǵı monopolııalardy retteý departamenti túpkilikti sheshim qabyldaıdy.