Astana stýdentteri kezekten tys Prezıdenttik saılaýdy qoldaýǵa arnalǵan jastar aktsııasyn ótkizý bastamasyn kóterdi
Aktsııa, bastamashylardyń aıtýynsha, jastardy óz bolashaǵyna degen nemquraıdylyqqa jol bermeýge jáne memleketiniń patrıoty bolýǵa úndep, jas býyndy «oıatýǵa», saılaýda daýys berýge shaqyrady.
«Qazirgi ýaqytta "jastar jan-jaǵyna nemquraıly jáne jaýapsyz bolyp ketti, óz memleketiniń keleshegine qyzyqpaıdy" degen túsinik qalyptasyp ketken. Bizdiń top ol túsinikke týra kereǵar. Biz prezıdenttik saılaýǵa basqa da jastardy tartý maqsatynda qolǵa alynǵan aktsııanyń bastamashylary bolamyz. Biz 18 jasqa tolǵan jáne saılaýǵa birinshi ret qatysqaly otyrǵan barlyq azamattardy saılaýǵa qatysýǵa, bizdiń aktsııany qoldaýǵa shaqyramyz», - dedi búgin Astanada ótken baspasóz brıfıngi barysynda sharanyń belsendi múshesi Lázzat Bıgeldınova.
Shara uıymdastyrýshylary saılaý kezinde jastardyń belsendilign arttyrý maqsatynda keshendi sharalar oılastyryp qoıǵan. Nasıhattyq jumys aıasynda jastarǵa arnap «muz shoýy», flesh-mob sharalary kóptep uıymdastyrylmaq.